Ալեքսանյան. Մեր միակ մտահոգությունը մարդկանց առողջությունը պահպանելն է

2020 թվականի Տոկիոյի Օլիմպիական խաղերի հետաձգումը մարզիկների համար էլ ծանր հարված է: Նրանք մարզվել են ու պատրաստվել խաղերում նոր նվաճումների հասնել:

2016-ի Օլիմպիական չեմպիոն Արթուր Ալեքսանյանն էլ այդ մասին է գրել Instagram-ի իր էջում: Նա խոստովանել է, որ լավ շատ լավ մարզավիճակում է ու գնալու էր Օլիմպիական խաղեր ոսկի բերելու անսասան կամքով:

«Մարդն ինձ համար գերագույն արժեք է ու այս պահին բոլորս ունենք մեկ մտահոգություն՝ անել ամեն ինչ մարդկանց առողջությունը պահպանելու համար: Վստահեցնում եմ ձեզ, որ 2021 թվականին իմ նպատակները չեն փոխվի եւ կանեմ ամեն ինչ Օլիմպիական խաղերի ոսկե մեդալը նվաճելու ու հաղթանակի բերկրանքը իմ հայրենակիցներին պարգեւելու համար: Առողջ եղեք»: