Անգլիայում ֆուտբոլը միշտ եղել ու մնում է իսկական տոնակատարություն, որին ներկա են լինում ամենահավատարիմ երկրպագուները։
Mediamax Sport-ի «Մեկ կադրում» շարքի այսօրվա լուսանկարը եւս արված է Անգլիայի առաջնությունից։
Շատ փաստեր այս նկարի մասին հայթայթել չկարողացանք։ Բրիտանական մի շարք լրատվամիջոցներ այն թվագրում են 1971-ին, մյուսները՝ 1972-ին։ Ամեն դեպքում խաղը հաստատ կայացել է «Վեսթ Հեմ»-ի ու «Լիվերպուլ»-ի միջեւ։
Հանդիպման ընթացքում շունը մտել է խաղադաշտ եւ այն ստիպված ընդհատվել է։ Շունը ցանկացել է ոչ թե մոտիկից տեսնել ֆուտբոլիստներին, այլ պարզապես շատ էր ցանկանում հոգալ բնական կարիքները։
Լուսանկարիչը ֆիքսել է պահը, թե ինչպես է «Լիվերպուլ»-ի դարպասապահ Ռեյ Կլեմենսը սպասում մինչեւ ավարտի եւ ազատի դարպասը։
Այնուհետեւ շանը հեռացրել են խաղադաշտից ու ֆուտբոլիստները շարունակել են պայքարը։
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: