Փարիզի Օլիմպիական խաղերը սպորտի սիրահարներին պարգեւեց ոչ միայն հիանալի մրցակցություն, այլ նաեւ անմոռանալի լուսանկարներ՝ տեղ գտնելով համաշխարհային լուսանկարչության շարքերում։
«Մեկ կադրում» ծանոթանանք լուսանկարիչ Ժերոմ Բրույեի ֆանտաստիկ «Ոսկե պահը» անվանումն ստացած լուսանկարին, որն արագորեն դարձել էր մարդկանց ուշադրության առարկան ամբողջ աշխարհում։
Լուսանկարում բրազիլացի սերֆեր Գաբրիել Մեդինան է, որը դարձել է Օլիմպիական բրոնզե մեդալակիր։
AFP-ի հրապարակումից ընդամենը մի քանի րոպե անց ողջ աշխարհը խոսում էր այդ կադրից։ Բրույեն այդ ժամանակ դեռ մեդիա-նավակի վրա էր՝ շարունակելով նկարահանել մրցումները։ Նա անտեղյակ էր իր աշխատանքի ստեղծած իրարանցումից ու իմացավ, երբ վերադարձավ ափ եւ հեռախոսում հայտնաբերեց հարյուրավոր հաղորդագրություններ։
Բրույեն 10 տարի առաջ Մարսելից տեղափոխվել է Թաիթի եւ այդ ժամանակից ի վեր լուսանկարում է սերֆինգի մրցումներ։ AFP-ում մի քանի տարվա աշխատանքային փորձն ու սերֆինգի գիտելիքները նրա առջեւ դուռ բացեցին, որպեսզի Օլիմպիական խաղերում տեղ գտնի մեդիային տրամադրված երկու նավակներից մեկում։
«Սերֆինգի լուսանկարիչները սովորաբար 10-12 ժամ են անցկացնում աշխատանքի վայրում՝ սկսելով նկարահանումներն առավոտյան ժամը 6-ին՝ անծածկ նավակի վրա։ Մենք արեւից այրվում ենք, թրջվում անձրեւից ու փորձում մաքուր պահել օբյեկտիվներն աղի ջրի շիթերից։ Նավի դիրքը եւս մեծ ազդեցություն ունի կադրերի որակի վրա»,- Olympics.org-ին ասել է լուսանկարիչը։
Բրույեն խոստովանել է, որ ծանոթ էր Գաբրիել Մեդինային ու գիտեր, թե ինչպես է նա նշում հաջող ելույթը։ Դրա համար պատրաստ սպասում էր այդ պահին ու միանգամից նկարեց չորս կադր՝ հուսալով, որ դրանցից գոնե մեկը հաջողված կլինի․
«Նա ցատկեց ալիքի վրայով, ես նկարեցի։ Ես պատրաստ էի դրան, բայց կարող էի բաց թողնել կադրը, եթե նայեի ուրիշ կողմ։ Արագ ընտրեցի իմ հավանած կադրը եւ ուղարկեցի խմբագրություն։ Մնացածն արդեն գիտեն բոլորը»։
Միայն AFP-ի Ինստագրամի հարթակում լուսանկարին հավանումներ դրել են 2 միլիոնավոր մարդիկ, իսկ World Surf League-ի սոցիալական ցանցերում գերազանցել է 3 մլն-ը։
The World Sports Photography Awards are proud to present our Overall Winners of the 2025 event, sponsored by @mpbcom
— World Sports Photography Awards (@WorldSportsPix) January 9, 2025
Gold - Golden Moment by Jerome Brouillet
Silver - Heaven by Petr Slavik
Bronze - Zebra Crossing by Anton Anestiev #wspa25 with @mpbcom pic.twitter.com/lAG9EYcFpX
«Ոսկե պահը» Համաշխարհային սպորտային լուսանկարչության մրցանակաբաշխության ժամանակ նվաճել է ոսկե մեդալ, ընդգրկվել մի քանի տարեվերջյան ալբոմներում, աշխարհի խոշորագույն լրատվամիջոցներում, Time ամսագրում գլխավորել 2024 թվականի լավագույն 100 լուսանկարների ցանկը։
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: