Մեկ կադրում. Նազիկ Ավդալյանի Աշխարհի չեմպիոնությունն ու հայտնի սալտոն

2009 թվականին Նազիկ Ավդալյանը Գոյանգում առաջին անգամ դարձավ Աշխարհի չեմպիոն: Այդ հաղթանակը նրան տրվեց աներեւակայելի ջանքերի ու կամային որակների շնորհիվ:

Գոյանգի չեմպիոնությունից 13 տարի անց Mediamax Sport-ի «Մեկ կադրում» շարքում անդրադառնում ենք Ավդալյանի այդ ուրախ ու անկրկնելի պահին:

2009 թվականին Աշխարհի առաջնությունն ընդունեց Հարավային Կորեան, որտեղ Հայաստանի հավաքականը կարողացավ երկամարտում 2 մեդալ նվաճել: Տիգրան Գեւորգի Մարտիրոսյանը (77 կգ) դարձավ արծաթե մեդալակիր, իսկ Նազիկ Ավդալյանը (69 կգ) կանգնեց պատվոհարթակի առաջին աստիճանին:

Չեմպիոնության համար նա պայքարում էր ռուս Օքսանա Սլիվենկոյի հետ, որն այն ժամանակ չափազանց ուժեր էր ու մինչ այդ 2 անգամ Աշխարհի չեմպիոն էր դարձել: Բայց Ավդալյանը նրան գերազանցեց բոլոր առումներով: Պոկումում հայ մարզուհին 119 կգ բարձրացրեց՝ Սլիվենկոյին 1 կգ շրջանցելով, նույն կերպ արեց նաեւ հրման ժամանակ: Հայ մարզուհու գրանցած արդյունքը 147 կգ էր: Եվ ոչինչ նրան չկարողացավ խանգարել երկամարտի 266 կգ-ով Աշխարհի չեմպիոն հռչակվել:

Ավդալյանի ապրումները նվաճումից հետո աննկարագրելի էին, միանգամից իր հայտնի սալտոն կատարեց, որն արել էր նաեւ 2008-ին Իտալիայում Եվրոպայի չեմպիոնությունից հետո:

Լուսանկարը` Getty Images