Mediamax Sport-ը շարունակում է ներկայացնել հետաքրքիր լուսանկարներ, որոնք պատմում են այս կամ այն սպորտային իրադարձության մասին:
«Մեկ կադրում» շարքում այս անգամ ներկայացնում ենք 1966 թվականին Կուբայում արված լուսանկար, որտեղ Տիգրան Պետրոսյանն ու Ֆիդել Կաստրոն մրցում են Բոբի Ֆիշերի հետ:
1966 թվականին Հավանայում ընթանում էր շախմատի Համաշխարհային Օլիմպիադան:
Գրոսմայստեր Բոբի Ֆիշերը միաժամանակյա պարտիա էր անցկացնում, իսկ մրցակիցների թվում էր նաեւ Կուբայի նախագահ Ֆիդել Կաստրոն: Ֆիդելը, որը լավ էր շախմատ խաղում, կարողանում է հաղթել Աշխարհի ապագա չեմպիոնին:
Ներկաները փաստել են, որ հաղթանակի մեջ մեծ ներդրում է ունեցել Աշխարհի գործող չեմպիոն Տիգրան Պետրոսյանը, որը Ֆիդելին օգնում էր ճիշտ հակախաղ գտնել:
Ի դեպ, այդ նույն ժամանակահատվածում Տիգրան Պետրոսյանը եւս հանդիպում է ունենում Կուբայի նախագահի հետ, եւ պարտիան ավարտվում է ոչ-ոքի:
64 վանդակներով մարմարից պատրաստված սեղանը, որի վրա նրանք խաղացել էին, Կաստրոն նվիրում է Պետրոսյանին:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: