Վարդան Մինասյանը կմարզի ղազախական «Տարազը»

Հայաստանի հավաքականի, «Փյունիկ»-ի եւ «Արարատ Արմենիա»-ի նախկին գլխավոր մարզիչ Վարդան Մինասյանը կմարզի Ղազախստանի բարձրագույն խմբում հանդես եկող «Տարազ» թիմը, որը ներկայացնում է համանուն քաղաքը։

Կողմերի միջեւ մեկ տարվա պայմանագիրը կստորագրվի առաջիկա ժամերին, որից հետո հայ մասնագետը կմիանա թիմի ուսումնամարզական հավաքին։

Նախորդ առաջնությունում «Տարազը» գրավել էր 8-րդ տեղը։ Ի դեպ, մինչեւ 1938թ․  Տարազ քաղաքը կոչվել է Միրզոյան, ապա՝ մինչեւ 2007թ․՝ Ջամբուլ։ Այն Ղազախստանի ամենահարավային քաղաքն է եւ սահմանակից է Ղրղզստանին։

Վարդան Մինասյանը արդեն ունի ղազախական ակումբ մարզելու փորձ։ 2014-2015 մրցաշրջանում նա ղեկավարել է Կոստանայի «Տոբոլ» ակումբը, որն այդ տարի զբաղեցրեց 7-րդ տեղը։

Հիշեցնենք, որ Մինասյանի վերջին աշխատավայրը «Արարատ Արմենիա» թիմն էր, որի հետ նա երկու անգամ հռչակվեց Հայաստանի չեմպիոն եւ շատ մոտ էր Եվրոպայի լիգայի խմբային մրցաշարի ուղեգիր նվաճելուն։