Հռոմում այսօր շարունակվում է հունահռոմեական ոճի ըմբշամարտի Եվրոպայի առաջնությունն, ու գորգ են դուրս գալու մնացած 5 քաշային կարգի ըմբիշները:
Երեկ Հայաստանի հավաքականի մարզիկներից միայն Կարապետ Չալյանն (77 կգ) է իրավունք ստացել պայքարել բրոնզե մեդալի համար:
Գեւորգ Ղարիբյանը (60 կգ) ելույթը սկսելու է որակավորման փուլից ու մրցելու է Ավգուստին Սպասովի (Բուլղարիա) հետ: Նույն փուլից է մեկնարկելու նաեւ Կարեն Ասլանյանն (67 կգ) ու հանդիպելու է շվեդ Օսկար Էրլանդսոնին: Մալխաս Ամոյանի (72 կգ) մրցակիցը խորվաթ Դոմինիկ Էտլինգերն է:
Ռուբեն Ղարիբյանը (82 կգ) 1/8 եզրափակչից է սկսելու պայքարն ու հանդիպելու է Իգոր Պետրիշինին (Իսրայել), իսկ Արթուր Ալեքսանյանի (97 կգ) մրցակիցը Չենկ Իլդեմն է:
