Հայաստանի հունահռոմեական ոճի հավաքականը Երեւանում պատրաստվում է այս տարվա առաջին միջազգային մրցաշարին:
Mediamax Sport-ն այսօր ներկա է եղել թիմի մարզմանը, որը համատեղ աշխատում է Բուլղարիայի հավաքականի հետ: Հայաստանի ընտրանու գլխավոր մարզչի պաշտոնակատար Էդուարդ Սահակյանն ասել է, որ հունվարի 18-19-ն ըմբիշները ելույթ են ունենալու Նիսում կայանալիք մրցաշարում:
Այնտեղ հանդես են գալու Ռուդիկ Մկրտչյանը (55 կգ), Գեւորգ Ղարիբյանը (60 կգ), Սլավիկ Գալստյանը (67 կգ), Մալխաս Ամոյանը (72 կգ), Կարապետ Չալյանը (77 կգ), Ռուբեն Ղարիբյանը (82 կգ), Մաքսիմ Մանուկյանը (87 կգ), Արթուր Ալեքսանյանը եւ Արթուր Շահինյանը (97 կգ) եւ Դավիթ Օվասափյանը 130 կգ:
«Դրանից հետո կրկին հավաք կունենանք ու կպատրաստվենք Եվրոպայի առաջնությանը: Ապա կորոշենք նաեւ, թե ինչ կազմերով ենք հանդես գալու վարկանշային մրցաշարերում: Մենք պայքարելու ենք եւս չորս ուղեգրի համար, կտեսնենք, թե ինչպես կստացվի»,-ասել է Սահակյանը:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: