Հունահռոմեական ոճի ըմբիշ, այս տարվա պատանիների ԵԱ-ի հաղթող Սահակ Հովհաննիսյանը Բուենոս Այրեսում ընթացող պատանեկան Օլիմպիական խաղերում Հայաստանի 2-րդ մեդալն է նվաճել: Նա կանգնել է պատվոհարթակի 3-րդ աստիճանին:
Ըմբիշը Mediamax Sport-ին պատմել է զգացողությունների ու օլիմպիական խաղերի թեժ պայքարի մասին:
Բուենոս Այրես էի մեկնել ոսկե մեդալի հետեւից, բայց մի քանի բացթողումների պատճառով բրոնզ նվաճեցի: Վստահ եմ, որ հետագայում այս բրոնզը շատ ոսկե մեդալների դռներ է բացելու:
Օլիմպիական շունչն ու գորգը մի այլ աշխարհ էին ինձ համար, տարբերվում էին նախորդ բոլոր մրցաշարերից: Այստեղ պայքարն ավելի թեժ էր, բոլորն էլ ուզում էին մեդալ նվաճել:
Օլիմպիական խաղերը շատ հետաքրքիր ու տարբերվող են ամեն ինչով:
Խաղերում հասցրել եմ նաեւ մի քանի մարզաձեւերի ելույթներին լինել, հետեւել եմ ձյուդոյի, ծանրամարտի, թաեքվոնդոյի ու մարմնամարզության մրցումներին:
Դեռ քաղաքին ծանոթանալ չենք հասցրել, ելույթները նոր ենք ավարտվել, բայց որքանով ուսումնասիրել եմ, մարդիկ այստեղ շատ սիրալիր են, հյուրընկալ, բայց մի քիչ էլ ծույլ:
Պարի քաղաք կարելի է անվանել Բուենոս Այրեսը, ինքս էլ պարել շատ եմ սիրում:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: