Եվրոպայի երիտասարդական առաջնությունում Հայաստանի հունահռոմեական ոճի ըմբշամարտի հավաքականը եւս 2 բրոնզե մեդալ է նվաճել:
Արարատ Մանուչարյանը (60 կգ) 6:0 հաշվով ուժեղ է եղել վրացի Իրակլի Դիմիստառիշվիլիից ու նվաճել է բրոնզե մեդալ:
Մինչեւ 72 կգ քաշային կարգում պատվոհարթակի 3-րդ աստիճանին է կանգնել Մալխաս Ամոյանը: Բրոնզի համար պայքարում նա 9:1 հաշվով ուժեղ է եղել վրացի Նիկոլոզ Չիկաիդձեից:
Ավելի վաղ Արմեն Բաբալարյանի սաներից Եվրոպայի ոսկե մեդալակիր էր դարձել Տիգրան Մինասյանը (55 կգ), իսկ Վահե Պողոսյանն (77 կգ) ու Դավիթ Օվասափյանը (130 կգ) բրոնզե մեդալներ էին նվաճել:
