2026 թվականին Իտալիայում կայանալիք Օլիմպիական խաղերի մասնակիցները թեւակոխել են վերջին նախապատրաստական փուլ:
Այնպես է ստացվել, որ սովորաբար Սոչիում մարզվող հայկական սպորտային զույգը՝ Կարինա Ակոպովան ու Նիկիտա Ռախմանինը, մի քանի օր աշխատել են Երեւանում ու այսօր կվերադառնան Ռուսաստան:
Զույգը 2025 թվականի մայիսից ներկայացնում է Հայաստանը, իսկ սեպտեմբերին Պեկինում կարողացել է Օլիմպիական խաղերի ուղեգիր նվաճել:
Գեղասահորդներն Օլիմպիական խաղերում հանդես են գալու փետրվարի 6-19-ը Միլանի «Սառցե» արենայում: Սպորտային զույգերը ելույթները սկսելու են փետրվարի 9-ին:
Երեկ Mediamax Sport-ը ներկա է եղել Ակոպովայի ու Ռախմանինի մարզմանը, որի ընթացքում նրանք իրենց կարճ ու ազատ ծրագրից հատվածներ են կատարել:
