2016 թվականի Ռիոյի Օլիմպիական խաղերը վաղուց անցյալում են: Հայաստանի հավաքականը Հարավային Ամերիկայում հիանալի հանդես եկավ ու վերադարձավ 1 ոսկե ու 3 արծաթե մեդալներով:
Mediamax Sport-ն իր ֆոտոպատմությունում այս անգամ հավաքել է խաղերի ամենատպավորիչ ու գեղեցիկ պահերը, որոնք լուսանկարել է Reuters-ը:
31-րդ ամառային Օլիմպիական խաղերի մեկնարկն ազդարարվեց օգոստոսի 5-ին հայտնի «Մարականա» մարզադաշտում: Հայաստանի հավաքականի դրոշակակիրը լողորդ Վահան Մխիթարյանն էր:
Լուսանկարը` Reuters
Օլիմպիական խաղերում աթլետիկայի ընտրանին մեծ կազմով էր ներկայացված: Նրանց թվում էր եռացատկորդ Լեւոն Աղասյանը, որը, ցավոք, եզրափակիչ դուրս գալ չկարողացավ:
Լուսանկարը` Reuters
Օլիմպիական խաղերում Հայաստանի բոլոր 4 մեդալն էլ ծանրամարտում եւ ըմբշամարտում եղան:
Լուսանկարը` Reuters
Սկսենք միակ ոսկուց, որը նվաճեց հունահռոմեական ոճի ըմբիշ Արթուր Ալեքսանյանը: Մինչեւ 98 կգ քաշային կարգի եզրափակչում նա հաղթեց կուբացի Դանիել Լուգոյին ու 20 տարի անց Հայաստանին օլիմպիական ոսկի բերեց:
Լուսանկարը` Reuters
«Հպարտ եմ եւ ուրախ, այսքան երկար դադարից հետո ոսկին ուղեւորվում է Հայաստան, ու հենց ես եմ տանում: Հաղթանակս նվիրում եմ մեր հերոսներին, զինվորներին, ովքեր զոհվել են ու հիմա կանգնած են մեր սահմաններում»,- հաղթանակից հետո ասաց Ալեքսանյանը:
Լուսանկարը` Reuters
Մյուս ոսկե մեդալը պետք է նվաճեր կրկին ըմբիշ Միհրան Հարությունյանը, սակայն կողմնակալ մրցավարության պատճառով նա զրկվեց հաղթողի կոչումից ու բավարարվեց արծաթե մեդալով:
Լուսանկարը` Reuters
Մարզիկն անչափ հիասթափված էր, տխուր ու պատվոհարթակին չէր կարողանում զսպել արցունքները:
Լուսանկարը` Reuters
Օլիմպիական խաղերում հայերից առաջին մեդալը ծանրորդ Սիմոն Մարտիրոսյանն էր ապահովել: Երկամարտի 417 կգ-ով նա կանգնել էր պատվոհարթակի 2-րդ աստիճանին:
«Անչափ ուրախ եմ, աննկարագրելի են զգացողություններս: Ոսկե մեդալի էի հավակնում, սակայն այս անգամ չստացվեց: Ոչինչ, դեռ 19 տարեկան եմ ու կարող եմ ավելիին հասնել»,- ասել էր Մարտիրոսյանը:
Ու, իսկապես, հասավ ավելիին, նա արդեն Աշխարհի ու Եվրոպայի կրկնակի չեմպիոն է:
Լուսանկարը` Reuters
Խաղերում հայերից վերջինը գերծանր քաշային ծանրորդները հանդես եկան, ու Գոռ Մինասյանն արծաթե մեդալակիր դարձավ 451 կգ արդյունքով:
Լուսանկարը` Reuters
Իր առաջին իսկ Օլիմպիական խաղերում ծանրորդը հիանալի դրսեւորեց իրեն ու անչափ ուրախ եւ հպարտ էր պատվոհարթակին:
Լուսանկարը` Reuters
Նույն քաշային կարգում ուժերը չափեց նաեւ Ռուբեն Ալեքսանյանը: Նա էլ երկամարտում 440 կգ բարձրացրեց ու գրավեց 4-րդ տեղը:
Լուսանկարը` Reuters
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: