Աշխատանքային շաբաթն Աշխարհի ու Եվրոպայի չեմպիոն, Օլիմպիական խաղերի արծաթե մեդալակիր ու պատգամավոր Արսեն Ջուլֆալակյանն ԱԺ-ում է սկսել:
Լուսանկարը` Մեդիամաքս
Հունահռոմեական թիմի հետ Մինսկում հավաքից հետո նա շտապել է պատգամավորական պարտականություններին ու ներկա եղել նիստերին:
Լուսանկարը` Մեդիամաքս
«Շատ հետաքրքիր աշխատանք է, բայց նաեւ չափազանց ծանրաբեռնված, հատկապես նիստերի օրերն են հագեցած: Նիստերից չեմ ցանկանում բացակայել»,- խոստովանել է Ջուլֆալակյանը:
Լուսանկարը` Մեդիամաքս
Գործող մարզիկ ու պատգամավոր լինելու հանգամանքը բացառիկ է: Իր գործունեությամբ ըմբիշը ցանկանում է ապացուցել, որ պրոֆեսիոնալ մարզիկը կարող է միաժամանակ մի քանի կարեւոր գործով զբաղվել:
Լուսանկարը` Մեդիամաքս
Որպես ԱԺ պատգամավոր մի քանի կարեւոր ծրագրեր է ցանկանում կյանքի կոչել՝ սպորտային տուրիզմին ու սպորտային բժշկությանը մեծ ուշադրություն դարձնել, «Ֆիզիկական կուլտուրայի եւ սպորտի մասին» օրենքում փոփոխություն իրականացնել, մարզիկների գործունեությունը որպես աշխատանքային ստաժ գրանցել:
Լուսանկարը` Մեդիամաքս
Սակայն ապրիլի սկիզբը սպորտային առումով է հագեցած լինելու Ջուլֆալակյանի համար: Այս օրերին նա Օլիմպավանում Հայաստանի հունահռոմեական ընտրանու հետ հավաքի է մասնակցում:
Լուսանկարը` Մեդիամաքս
Ըմբիշը ապրիլի 8-14-ը Բուխարեստում մասնակցելու է Եվրոպայի առաջնությանը: Ռիոյի Օլիմպիական խաղերից հետո դա նրա առաջին խոշոր մրցաշարն է լինելու:
Լուսանկարը` Մեդիամաքս
«Ձգտելու եմ մեդալով վերադառնալ: Ռիոյից հետո 3 տարի հիմնականում այս մրցաշրջանին եմ պատրաստվել»,- խոստովանել է նա:
Լուսանկարը` Մեդիամաքս
ԵԱ-ին մասնակցելու է նաեւ Ջուլֆալակյանի հիմնական հակառակորդ Ռոման Վլասովը, որին հաղթելու ցանկությունը շատ մեծ է:
Լուսանկարը` Մեդիամաքս
«Սպորտային տարին նոր է սկսվում, նպատակս է վերելքով անցնել մինչեւ Տոկիո ընկած ճանապարհն ու ԱԱ-ի ժամանակ վարկանիշ նվաճել: Իմ առաջնային ու անփոփոխ նպատակը 4-րդ խաղերին մասնակցելն է»,- ընդգծել է մարզիկը:
Լուսանկարը` Մեդիամաքս
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: