Հունաստանի հավաքականի ավագ Սոկրատիս Պապաստատոպուլոսի կարծիքով Աթենքում հայերից 2:3 հաշվով կրած պարտությունն իրենց սխալների պատճառով էր:
«Չեմ ուզում անդրադառնալ մարզչական խնդիրներին, դա ինձ չի առնչվում: Պատասխանատվությունն ինձ վրա եմ վերցնում: Շատ վատ սխալներ թույլ տվեցինք, որոնք դճվար է բացատրել: Երիտասարդ ֆուտբոլիստներ ունենք, որոնք դեռ անփորձ են ու դեռ պատրաստ չեն հանդես գալու ազգային թիմում»,- Պապաստատոպուլոսի խոսքերը մեջբերում է ekathimerini.com-ը:
Հայաստանից կրած պարտությունն ավելի է երկպառակտել Հունաստանի ընտրանին: Ավագն իր խոսքում դժգոհություն է հայտնել գլխավոր մարզիչ մարզիչ Անգելոս Անաստասիադիսին ու նրա կայացրած որոշումներին:
Մարզիչն իր հերթին պատասխանել է, հավատում է եզրափակիչ փուլ անցնելուն: «Եթե պարոն Պապաստատոպուլոսը չի հավատում, այստեղ անելիք չունի: Նա չպետք է ԶԼՄ-ին նման բան ասեր, այլ իր կարծիքով կիսվեր հանդերձարանում: Նա ինքն է իրեն հանում հավաքականից»,- նշել է Անաստասիադիսը:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: