Այսօր Կալկաթայում մեկնարկում է Grand Chess Tour-ի հերթական փուլը՝ Tata Steel India-ն:
Մինչեւ նոյեմբերի 24-ը մասնակիցները պայքարելու են արագ շախմատի մրցաշարում: Առաջին տուրում Լեւոն Արոնյանը սպիտակ խաղաքարերով ուժերը չափելու է Հիկարու Նակամուրայի (ԱՄՆ) հետ:
Մրցաշարում հանդես են գալիս նաեւ Վիշվանաթան Անանդը (Հնդկաստան), Մագնուս Կարլսենը (Նորվեգիա), Դին Լիրենը (Չինաստան), Ուեսլի Սոն (ԱՄՆ), Յան Նեպոմնյաշնին (Ռուսաստան), Անիշ Գիրին (Նիդերլանդներ), Վիդիթ Գուրյատին եւ Պենտալա Հարիկրիշնան (երկուսն էլ Հնդկաստան):
Նոյեմբերի 25-26-ը կկայանան կայծակնային պարտիաները:
