Հայաստանի կանանց ընտրանին շախմատի ԱԱ-ի առաջատարն է

Աստանայում կայացել է շախմատի Աշխարհի թիմային առաջնության 1-ին տուրը:

Հայաստանի կանանց ընտրանին 4:0 հաշվով ուժեղ է եղել Եգիպտոսից ու մրցաշարի առաջատարն է: Հաղթանակներ են գրանցել Լիլիթ Մկրտչյանը, Աննա Սարգսյանը, Մարիա Գեւորգյանը եւ Սիրանուշ Ղուկասյանը:

Հայ շախմատիստուհիները մրցակիցներից առաջ են լրացուցիչ ցուցանիշներով:

2-րդ տեղում ընթանում է Չինաստանը, որը 3,5:0,5 հաշվով ուժեղ է եղել Հունգարիայից: 3-րդը 3:1 հաշվով Ղազախստանի նկատմամբ առավելության հասած ռուսներն են:

Հնդկաստան-Վրաստան եւ ԱՄՆ-Ուկրաինա հանդիպումներն ավարտվել են 2:2 հաշվով:

Այսօր կայանալիք 2-րդ տուրում Հայաստանի մրցակիցն է լինելու Ռուսաստանը: