Գուրգեն Հովհաննիսյանը Սոֆիայի մրցաշարի հաջորդ փուլում է

«Ստրանջայի» 69-րդ միջազգային մրցաշարում, որն ընթանում է Բուլղարիայի մայրաքաղաք Սոֆիայում, երեկ հայ բռնցքամարտիկներից ելույթ են ունեցել երկուսը:

Գուրգեն Հովհաննիսյանն (+91 կգ) առաջին մենամարտում 5:0 հաշվով առավելության է հասել Ալեքսանդր Գեորգիեւի (Բուլղարիա) նկատմամբ: Ժիրայր Սարգսյանը (56 կգ) նույն հաշվով պարտություն է կրել իսպանացի Խոսե Կուիլյեսից:

Այսօր ելույթ է ունենալու մինչեւ 69 կգ քաշային Գուրգեն Մադոյանը, նրա մրցակիցը լինելու է Բուլղարիան ներկայացնող Ռոբերտ Չամասանյանը:
 
Ավելի վաղ Հայաստանի հավաքականից հաջորդ փուլի ուղեգիր նվաճել էր Վահե Բադալյանը (52 կգ):