Ազատ ոճայինները հանդես կգան Բուդապեշտի վարկանշային շարքի մրցաշարում

Հունիսի 6-9-ը Բուդապեշտն ընդունելու է ըմբշամարտի վարկանշային շարքի մրցաշար, որում հանդես է գալու Օլիմպիական խաղերի ուղեգրեր նվաճած ըմբիշների մոտ 50 տոկոսը։

Մրցաշարի արդյունքներն ազդելու են ըմբիշների վաստակած միավորների վրա, որոնց հիման վրա կայանալու են Օլիմպիական խաղերի վիճակահանությունները։

Հայտավորված 313 ըմբիշից 134-ը մեկնելու է Փարիզ-2024-ին, որոնց թվում կա նաեւ Հայաստանի հավաքականի երկու ներկայացուցիչ։ Բուդապեշտում հանդես կգան Արսեն Հարությունյանը (61 կգ), Վազգեն Թեւանյանը (65 կգ) եւ Արման Անդրեասյանը (70 կգ)։ Առաջին երկուսի համար սա Օլիմպիական խաղերից առաջ նախապատրաստական փուլ է։