Վարկանշային ԱԱ․ Այսօր պայքարի են դուրս գալիս հունահռոմեականները

Բելգրադում ընթացող Աշխարհի առաջնությունում պայքարի մեջ են մտնում հունահռոմեական ոճի ըմբիշները։

Հայաստանն այսօր ունենալու է չորս ներկայացուցիչ։ 

Ռուդիկ Մկրտչյանը (55 կգ) պայքարը սկսելու է 1/8 եզրափակչից, նրա մրցակիցը դեռ հայտնի չէ, Մալխաս Ամոյանը (77 կգ) 1/16 փուլում ուժերը չափելու է Պաուլիուս Գալինկասի (Լիտվա) հետ։

Որակավորման փուլից է սկսելու Մաքսիմ Մանուկյանը (82 կգ), որը հանդիպելու է Գերմանիան ներկայացնող Իդրիս Իբաեւին, իսկ Դավիթ Օվասափյանը (130 կգ) նույն փուլում մրցելու է Սինղ Մեհարի հետ։

Փարիզի խաղերի ուղեգրեր կարող են նվաճել միայն Օլիմպիական քաշերի ներկայացուցիչները՝ 60 կգ, 67 կգ, 77 կգ, 87 կգ, 97 կգ, 130 կգ։