Երիտասարդների թեժ պայքարն ու մեդալները Հայաստանի առաջնությունում

«Միկա» մարզադահլիճում որոշվել են Հայաստանի ազատ ոճի առաջնության հաղթողները: Ինչպես վերջին տարիներին, այս անգամ էլ մասնակիցների թիվը շատ չի եղել, հանդես են եկել Երեւանի ու մարզերի մոտ 90 ըմբիշներ:

Հաղթողներ են դարձել Վաղինակ Մաթեւոսյանը (57 կգ), Արսեն Հարությանյանը (61 կգ), Վազգեն Թեւանյանը (65 կգ), Դավիթ Սաֆարյանը (70 կգ), Վարուժան Կաջոյանը (74 կգ), Գրիգոր Գրիգորյանը (79 կգ), Հովհաննես Մխիթարյանը (86 կգ), Սարգիս Հովսեփյանը (92 կգ) եւ Անդրանիկ Գալստյանը (125 կգ):

Հայաստանի ըմբշամարտի ֆեդերացիայի գլխավոր քարտուղար Արայիկ Բաղդադյանը Mediamax Sport -ին ասել է, որ իրենց շատ լավ են դրսեւորել երիտասարդ ըմբիշներն ու թեժ մրցակություն ապահովել:

«Նրանք մեծերին ստիպում են ավելի շատ աշխատել ու պայքարել: Օլիմպիական խաղերից հետո թիմի կազմն ամբողջությամբ կփոխվի, հիմնականում երիտասարդները կլինեն: Ուժեղ ու լավ կազմ կունենանք: Սերնդափոխությունը հավաքականի համար անհրաժեշտություն է»,- ընդգծել է Բաղդադյանը: