Հայաստանի ազատ ոճի ըմբշամարտի հավաքականն Աշխարհի առաջնությունում նվաճել էր երկու բրոնզե մեդալ: Փարիզից մեդալներով են վերադարձել Գեորգի Կետոեւն ու Լեւան Բերիանիձեն:
Գեորգի Կետոեւ
Ես շատ ուրախ եմ, որ երկարատեւ ընդմիջումից հետո մեդալակիր դարձա ու բարձրացրի Հայաստանի դրոշը: Այն ինձ համար ասես երկրորդ հայրենիք լինի:
Ցանկանում եմ, որ հետագայում եւս հաջող ելույթներ ունենամ ու լավ պատրաստված մոտենամ 2020 թվականի Օլիմպիական խաղերին:
Երրորդ տեղի համար պայքարում հաղթեցի այն ըմբիշին, որին զիջել էի Ռիոյում: Այս անգամ ես ավելի պատրաստ էի ու լավ էի զգում, ինչպես ֆիզիկապես, այնպես էլ հոգեպես:
Լեւան Բերիանիձե
Քաշիս հետ կապված խնդիր չունեի, կարողացել էի այն պահել ու ինձ շատ թեթեւ էի զգում: Երրորդ տեղի համար պայքարում էլ հոգեբանորեն շատ լավ էի տրամադրվել ու գորգ դուրս եկել: Մրցակիցս լավ ըմբիշ էր, բայց այդ պահին ես նրանից ուժեղ էի:
Արայիկ Բաղդադյան, ըմբշամարտի ֆեդերացիայի գլխավոր քարտուղար
Արդյունքը գերազանց չէ, քանի որ չեմպիոն չունենք: Սակայն ես գոհ եմ, քանի որ ԱԱ-ից վերադարձել ենք երկու բրոնզե մեդալով, իսկ թիմային հաշվարկով ազատ ոճայինները զբաղեցրել են 10-րդ տեղը:
Վերջին անգամ Հայաստանի ազատ ոճի ըմբիշներն ԱԱ-ում երկու մեդալ նվաճել էին 1995 թվականին: Մոտ օրերս ֆեդերացիայի նիստ ենք ունենալու, կարծում եմ, որ Հաբեթնակ Կուրղինյանը, որը հավաքականի մարզչի պաշտոնակատարն է, կնշանակվի գլխավոր մարզիչ:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: