Հայաստանը վերջապես մեդալ ունեցավ․ Լալայանն Աշխարհի կրկնակի չեմպիոն է

Ֆյորդեում այսօր ավարտվեց ծանրամարտի Աշխարհի առաջնությունը։

Հայաստանի հավաքականը վերջապես կարողացավ երկամարտի արդյունքում մեդալակիր ունենալ։

Իսկ այդ մեդալը ոսկե է, որն իր հաշվին գրանցեց Վարազդատ Լալայանը։ Գերծանր քաշային ծանրորդների պայքարում Լալայանն այս տիտղոսին արժանացավ երկրորդ տարին անընդմեջ։

Եվրոպայի կրկնակի չեմպիոնն ու Օլիմպիական արծաթե մեդալակիրը պոկում վարժությունում 211 կգ արդյունքով նվաճեց փոքր ոսկե մեդալ։ Իրեն հատուկ վստահությամբ նա գործեց նաեւ հրման ժամանակ ու իրեն ենթարկեց 250 կգ-ն՝ կրկին նվաճելով փոքր ոսկի։ Ցավոք, բայց 261-ը, որը կարող էր լինել ռեկորդային, չկարողացավ բարձրացնել։ Երկամարտի 461 կգ-ով Լալայանը դարձավ Աշխարհի կրկնակի չեմպիոն։

Այս քաշային կարգում էր նաեւ Բահրեյնը ներկայացնող Գոռ Մինասյանը, որը 447 կգ-ով նվաճեց փոխչեմպիոնի կոչումը։