Ալեքսանդրա Գրիգորյանը երիտասարդների ԱԱ-ի բրոնզե մեդալակիր է

Լիմայում մեկնարկած ծանրամարտի պատանիների ու երիտասարդների Աշխարհի առաջնությունում Հայաստանն առաջին մեդալն է նվաճել:

Օրեր առաջ Եվրոպայի առաջնությունում 2-րդ տեղը գրաված Ալեքսանդրա Գրիգորյանը կանգնել է պատվոհարթակի 3-րդ աստիճանին:

Նա մինչեւ 55 կգ քաշային կարգում պոկել է 88 կգ, հրել 116 կգ-ը եւ փոքր ոսկե մեդալ նվաճել: Երկամարտի 204 կգ-ով ծանրորդը բրոնզե մեդալ է նվաճել: Եվրոպայի առաջնությունում Գրիգորյանը բարձրացրել էր 202 կգ:

Հովհաննես Հովհաննիսյանն (67 կգ) էլ 280 կգ-ով 10-րդն արդյունքն է ցույց տվել:

Այս գիշեր հարթակ դուրս կգա Նարեկ Մկրտչյանը (81 կգ):