ԵԱ-ում հայ ծանրորդներից այսօր հանդես կգա Ռաֆիկ Հարությունյանը

Այսօր Քիշնեւում շարունակվող ծանրամարտի Եվրոպայի առաջնությունում Հայաստանը մեկ մասնակից է ունենալու:

Մինչեւ 81 կգ քաշային կարգում Երեւանի ժամանակով 20:00-ից հանդես է գալու Եվրոպայի չեմպիոն ու կրկնակի բրոնզե մեդալակիր Ռաֆիկ Հարությունյանը:

Ավելի վաղ ԵԱ-ում Հայաստանը 2 արծաթե ու 1 բրոնզե մեդալ է նվաճել: Եվրոպայի փոխչեմպիոններ են դարձել Ալեքսանդրա Գրիգորյանը (55 կգ) եւ Գոռ Սահակյանը (73 կգ), Գառնիկ Չոլակյանը (61 կգ) գրավել է 3-րդ տեղը։