Ծանրորդները տարին կեզրափակեն վարկանշային Աշխարհի Գավաթով

Քաթարում այսօր մեկնարկում է ծանրամարտի Աշխարհի վարկանշային Գավաթի խաղարկությունը:

Հայաստանը 4 տիտղոսակիր մարզիկներ են ներկայացնելու: Ելույթ են ունենալու Եվրոպայի չեմպիոն Անդրանիկ Կարապետյանը (81 կգ), Եվրոպայի ու Աշխարհի չեմպիոն Հակոբ Մկրտչյանը (96 կգ), Աշխարհի ու Օլիմպիական խաղերի արծաթե մեդալակիր Գոռ Մինասյանն ու ԱԱ-ի եւ ԵԱ-ի բրոնզե մեդալակիր Ռուբեն Ալեքսանյանը (+109 կգ):

Մկրտչյանն առաջին անգամ է հանդես գալու նոր քաշային կարգում: Նա հոկտեմբերին կայացած Մ-23 տարեկանների Եվրոպայի առաջնությունից հետո է 89-ից  տեղափոխվել 96 կգ քաշային կարգ:

Հայաստանի ընտրանին մրցաշարին պատրաստվել է Աբովյանում անցկացրած հավաքի ընթացքում: