Պատտայայում (Թաիլանդ) ընթացող ծանրամարտի Աշխարհի առաջնությունում այսօր պայքարի մեջ են մտնելու 2 հայ ծանրորդներ:
Նախ մինչեւ 81 կգ քաշային կարգում հանդես է գալու Տաթեւ Հակոբյանը: Նա ելույթը սկսելու է Երեւանի ժամանակով 14:55-ին: Այդ քաշային կարգում ելույթ են ունենալու 10 մասնակիցներ:
Ապրիլին Բաթումիում կայացած Եվրոպայի առաջնությունում Հակոբյանը պոկում վարժությունում փոքր բրոնզե մեդալ էր նվաճել, երկամարտում էլ 230 կգ-ով 4-րդ տեղը գրավել:
17:25-ին էլ պայքարի մեջ է մտնելու Եվրոպայի արծաթե մեդալակիր Սամվել Գասպարյանը (102 կգ): Նա չեմպիոնության համար մրցելու է 11 ծանրորդների հետ: Հայ մարզիկի նախնական պատվերը 395 կգ է, նույնքան է հայտավորել նաեւ կորեացի Յունսեոնգ Ջին:
Եվրոպայի առաջնությունում Գասպարյանն արծաթե մեդալակիր էր դարձել 377 կգ-ով:
