Խաչատրյան. Տղաները պարզապես հիանալի հանդես եկան

Հայաստանի ծանրամարտի տղամարդկանց հավաքականը Եվրոպայի առաջնությունում երեկ մինչեւ 89 կգ քաշային կարգում նվաճեց երկու մեդալ:

Հակոբ Մկրտչյանը դարձավ Եվրոպայի չեմպիոն, իսկ Դավիթ Հովհաննիսյանը՝ բրոնզե մեդալակիր:

Mediamax Sport-ը հաջող ելույթներից հետո զրուցել է հավաքականի մարզիչ Վիգեն Խաչատրյանի հետ:

Հակոբի ոսկե մեդալին մենք սպասում էինք, որովհետեւ Աշխարհի նախորդ տարվա առաջնությանը բարձրացրել էր այս կիլոգրամները: Նա շատ լավ էր պատրաստվել այս մրցմանը, պարզապես գերազանց հանդես եկավ:

Դավիթի ելույթը հիանալի էր: Նա արեց անհնարինը, բարձրացրեց այնպիսի կիլոգրամներ, որոնք չէր արել մարզումների ընթացքում: Այս մեդալին նա արժանի է:

Աշնանը կայանալիք Աշխարհի առաջնությունից առաջ սա տղաների համար շատ լավ մեկնարկ էր, մի քանի կիլոգրամներ ավելացնելուց հետո նրանք նաեւ այնտեղ կկարողանան մեդալներ նվաճել:

Հակոբին ԱԱ-ում արդեն նոր՝ 96 քաշային կարգում կտեսնենք, իսկ Դավիթին՝ 89: