Անմոռանալի հաղթանակ. Արսեն Ջուլֆալակյան

Մարզիկների կյանքում լինում են հաղթանակներ, որոնք վճռական են դառնում ու կանխորոշում հետագա ողջ կարիերան:

Այդպես է եղել նաեւ Աշխարհի ու Եվրոպայի չեմպիոն, Օլիմպիական խաղերի արծաթե մեդալակիր Արսեն Ջուլֆալակյանի հետ:

Mediamax Sport-ի «Անմոռանալի հաղթանակ» շարքում հունահռոմեական ոճի ըմբիշը պատմում է իր ամենակարեւոր հաղթանակի մասին:

Նշանակալի ու մեծ հաղթանակներ շատ եմ ունեցել, սակայն որոշիչ ու բախտորոշ համարում եմ 2009 թվականի Եվրոպայի առաջնության ոսկե մեդալը: Այն ինձ համար ճակատագրական էր, եթե մեդալ չնվաճեի, գուցե, մտածեի սպորտային կարիերաս ավարտելու ու գիտությամբ զբաղվեու մասին:

Մանկությանս ընկերը՝ Խոսրով Մելիքյանն, այդ ժամանակ մեկնել էր ԱՄՆ: Մենք միասին էինք ընդգկվել հավաքականում ու իրար հետ սկսել մեր քայլերն անել, չէի պատկերացնում առանց նրա ինչ եմ անելու:

2008-ի Օլիմպիական խաղերից  ձեռնունայն էի վերադարձել ու չէի կողմնորոշվում ինչ անել: Բայց Եվրոպայի առաջնությունում այնպիսի փայլուն հաղթանակ եղավ, որ կասկածի տեղիք չտվեց:

Արդեն կողմնորոշվեցի, թե ինչով եմ ցանկանում զբաղվել: Հասկացա, որ առաջնայինը պետք է սպորտը լինի, իսկ գիտությամբ զբաղվելու համար երբեք էլ ուշ չէ: 



Արսեն Ջուլֆալակյանի հետ հաղթանակը վերհիշել է Հասմիկ Բաբայանը