Հայաստանի հերթական արծաթը. Միհրան Հարությունյանը 2-րդն է

Ռիոյում ընթացող խաղերում Հայաստանի Օլիմպիական թիմը 2-րդ արծաթե մեդալը նվաճեց:

Մինչեւ 66 կգ քաշային հունահռոմեական ոճի ըմբիշների եզրափակչում կողմնակալ մրցավարության արդյունքում Միհրան Հարությունյանը չկարողացավ ոսկե մեդալակիր դառնալ:

Հայ ըմբիշն որոշիչ գոտեմարտում մրցեց սերբ Դավոր Ստեֆանեկի հետ: Փայլուն Օլիմպիական խաղեր անցկացրած Հարությունյանը չզիջեց նաեւ եզրափակչում:

Առաջին մրցափուլում նա հաղթեց 1:0 հաշվով: Սակայն 2-րդում մրցավարները Հարությունյանին անհիմն զգուշացրին ու միավորը շնորհեցին մրցակցին:

1:1 հաշվի արդյունքում հաղթող դարձավ սերբը, քանի որ վերջինը նա էր միավոր վաստակել:

Կարիոկա-2 արենան արտահայտեց իր դժգոհությունն ու բողոքը, սակայն ոչինչ փոխել հնարավոր չէր:

Նախագծի գործընկեր