Օլիմպիական հավաքական. Գեորգի Կետոեւ

Ծննդյան թիվ. 19.11.1985 թ. Թբիլիսի (Վրաստան)                                  

Մարզաձեւ. Ազատ ոճի ըմբշամարտ (97 կգ)

Ընտանիք. Ամուսնացած է, ունի 2 որդի՝ 5-ամյա Գեորգին եւ 1-ամյա Տիմոֆեյը

Հոբբի. Ֆուտբոլ եւ վոլեյբոլ խաղալ, երաժշտություն լսել

Կրթություն. Ավարտել է իրավաբանության ֆակուլտետը

Մարզիչ. Մարիկ Տեդեեւ

Նորամուտ. 2005 թվականին միջազգային մրցաշարում 3-րդ տեղն է զբաղեցրել ու ընդգրկվել Ռուսաստանի հավաքականի կազմում

Սպորտային կարիերայի սկիզբը. Թբիլիսիում 9 տարի զբաղվել է մարմնամարզությամբ, դարձել է Վրաստանի չեմպիոն: Ծնողները ցանկացել են, որ սպորտը չթողնի, սակայն պրոֆեսիոնալ մարզիկի կարիերայի մասին չեն մտածել. «Պարզապես նրանք այդկերպ ինձ ու եղբորս փորձել են փողոցից հեռու պահել, որ վատ սովորություններ ձեռք չբերենք: Շատ վտանգավոր էր այդ ժամանակ, մեր հարեւանների մեջ թմրամոլներ կային»:

Մարզաձեւի ընտրությունը. 16 տարեկանում տեղափոխվել է Հարավային Օսիա ու այդ ժամանակ էլ ընտրել ազատ ոճի ըմբշամարտը: Գեորգիի հայրն էլ է ըմբիշ եղել, սակայն մեծ բարձունքների չի հասել:

Ամենակարեւոր սպորտային նվաճումը. Օլիմպիական բրոնզե մեդալն է: «Երբ ես բրոնզ նվաճեցի, այդքան էլ ուրախ չէի, անմիջապս պարգեւատրումից հետո մեդալը պայուսակիս մեջ նետեցի: Մեր փորձառու մարզիչներից մեկն ասաց, հնարավոր է այդ մեդալը քեզ համար ամենաթանկը դառնա: Դրանից հետո ես սկսեցի գնահատել ամեն մեդալը»:

Կուռքը. Օլիմպիական չեմպիոն Բուվայսար Սայտիեւն է, որին լեգենդար մարզիկ է համարում:

Ամենաազդեցիկ մարդը կարիերայում. Ընտանիքը, թեեւ սպորտը կարեւոր է, բայց առաջնայինը հարազատներն են: Համարում է, երբ ընտանիքն իր կողքին է, ամեն ինչ ունի:

Ելույթից առաջ արարողակարգ. Տրամադրվում է

Ինչպես կուզի հիշվել կարիերան ավարտելուց հետո. Որպես Օլիմպիական չեմպիոն

2007 թվականի Աշխարհի չեմպիոն

2008-ի Պեկինի Օլիմպիական խաղերի բրոնզե մեդալակիր ու Եվրոպայի չեմպիոն

2009-ին ԵԱ-ի արծաթե մեդալակիր

2016-ի մայիսից համալրել է Հայաստանի ազատ ոճի հավաքականը, մի քանի օր անց էլ Ուլան Բատորում նվաճել Օլիմպիական ուղեգիր

Նախագծի գործընկեր