Զագրեբում կայացած ազատ ոճի ըմբշամարտի Եվրոպայի առաջնությունում 1994 թվականից հետո առաջին անգամ Հայաստանի հավաքականին հաջողվել է 2 ոսկե մեդալ նվաճել:
Լուսանկարը` UWW
Եվրոպայի չեմպիոններ են դարձել Վազգեն Թեւանյանն (65 կգ) ու Արսեն Հարությունյանը (61 կգ):
Լուսանկարը` UWW
Եզրափակչում Հարությունյանի մրցակիցը Աշխարհի գործող չեմպիոն Զելիմխան Աբակարովն (Ալբանիա) էր, որի նրա հետ պայքարում հայ ըմբիշը դժվարություն չունեցավ: Նա կարողացավ հաղթել իր վստահության ու մարզիչների ճիշտ աշխատանքի շնորհիվ:
Լուսանկարը` UWW
Հարությունյանի 3-րդ չեմպիոնությունն էր Եվրոպայում ու նա չհամբերեց գոտեմարտի ավարտին, որպեսզի իր նվաճումը ցույց տա տեսախցիկների առաջ, երբ վերջին վայրկյաններին Աբակարովը փորձում էր նրանից միավորներ կորզել:
Լուսանկարը` UWW
Ապա ըմբիշը շարունակեց իր նվաճումը տոնել նաեւ եզրափակիչ սուլիչից ու իր ձեռքը բարձրացնելուց հետո: Հարությունյանին հաջողվել է 2-րդ տարին անընդմեջ Եվոպայում լավագույնը լինել, առաջին անգամ նա հաղթել էր 2019-ին:
Լուսանկարը` UWW
Իսկ Հայաստանի դրոշով մրցագորգում պատվո շրջան անելն ու չեմպիոնությունը նշելը հայ մարզիկների ամենասիրելի պահերից է:
Լուսանկարը` UWW
Ապա եկավ պատվոհարթակին ուրախությունն արտահայտելու ու այդքան չարչարանքներից հետո սպասված մեդալը համբուրելու պահը:
Լուսանկարը` UWW
«Շնորհակալ եմ մարզիչներիս՝ իմ կողքին լինելու, ընկերներիս՝ ինձ ոգեւորելու, հայրենակիցներիս՝ ջերմ շնորհավորանքների համար։ Դեռ շատ երկար ճանապարհ ենք միասին անցնելու: Սպասված մեդալ էր, անբացատրելի զգացողություններ ունեցա, երբ ձեռքիս մեջ շոշափեցի 3-րդ ոսկին»,- սոցկայքերում գրել է Հարությունյանը:
Լուսանկարը` UWW
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: