Վարսենիկ Մանուչարյանն ազդարարեց Օլիմպիական խաղերում հայ մարզիկների ելույթների մեկնարկը

Փարիզի Օլիմպիական խաղերում Հայաստանի հավաքականի կազմում առաջինը պայքարի մեջ մտավ լողորդ Վարսենիկ Մանուչարյանը։

Նա Լa Defense արենայում 100 մ բաթերֆլայի որակավորման փուլում հանդես եկավ առաջին լողահերթում։ Մանուչարյանը ցույց տվեց 1:01.24 արդյունքն ու իր մրցահերթում 3-րդ տեղը զբաղեցրեց, իսկ ընդհանուր մասնակիցների թվում 26-րդն էր։

Այսօր Երեւանի ժամանակով ժամը 14:30-ին 10 մ ատրճանակ ձեւի որակավորման փուլում մրցելու է հրաձիգ Էլմիրա Կարապետյանը։ Մարմնամարզիկներ Արթուր Դավթյանն ու Վահագն Դավթյանը հենացատկում եւ օղակների վրա վարժությունում ելույթները կսկսեն 17:30-ից։