Ձմեռային Օլիմպիական խաղերում 6-րդ տեղը գրավելուց հետո Ադելիա Պետրոսյանը խոստովանել է, որ ելույթից հետո բոլոր մտքերը բացասական են:
«Ուզում եմ ինչ-որ կերպ վերադառնալ իրականություն ու չմնալ այս վիճակում, գուցե որոշ դրական բաներ գտնեմ եւ դասեր քաղեմ: Այս ելույթը կդիտարկեմ որպես փորձ իմ հաջորդ մրցումների համար: Հուսով եմ՝ կմասնակցեմ հաջորդ Օլիմպիական խաղերին եւ ոգեւորությունս չի մարի: Չորս տարին երկար ժամանակ է»,- լրագրողների հետ զրույցում ասել է նա:
Պետրոսյանը չի թաքցրել տխրությունը, որ Օլիմպիական խաղերից ձեռնունայն է վերադառնալու տուն. «Մի փոքր ամաչում եմ ինձնից, ֆեդերացիայից ու երկրպագուներից։ Նման ելույթից հետո հոգեբանորեն դժվար կլինի վերադառնալ Ռուսաստան։ Եվ հասկանում եմ, որ ինքս եմ դրանում մեղավոր: Ինձ լավ չեմ զգում, որովհետեւ բաց թողեցի ավելի բարձր տեղ գրավելու հնարավորությունս»:
