Հայտնի են Երեւանում կայանալիք կարատեի ԵԱ-ի հայ մասնակիցների անունները

Մայիսի 7-11-ը Կարեն Դեմիրճյանի անվան մարզահամերգային համալիրում կայանալու է կարատեի Եվրոպայի առաջնությունը:

Հայաստանի ֆեդերացիան ներկայացրել է մրցաշարին հայտավորված հայ մարզիկների անունները:

Տղամարդկանց պայքարին մասնակցելու են Յուրա Զալյանը (60 կգ), Սուրեն Հարությունյանը (67 կգ), Ռոբերտ Հովհաննիսյանը (75 կգ), Գոռ Ներսիսյանը (84 կգ), Դավիթ Մակյանը (+84 կգ) եւ Միխայիլ Մխիթարյանը (կատա մրցաձեւ):

Ելենա Գասպարյանը (50 կգ), Ալիսա Խոջայանը (55 կգ), Լենա Գյուլումյանն (68 կգ) ու Անիտա Մակյանն (+ 68 կգ) էլ կմասնակցեն կանանց մրցաշարին: