Հայտնի են սպորտի ոլորտում Հայաստանի լավագույնները

Առաջին անգամ նոր ձեւաչափով կայացել է 2024 թվականի լավագույն մարզիկների ընտրությունը:

ԿԳՄՍ-ի կազմակերպած «Սպորտի ոլորտում տարվա լավագույնների ընտրությունը» կատարել են 19 հավատարմագրված լրագրողները, որոնց թվում են եղել նաեւ Mediamax Sport-ի ներկայացուցիչները:

3 լավագույն մարզիկների թվում ընդգրկվել են Արթուր Ալեքսանյանը, Արթուր Դավթյանը եւ Վարազդատ Լալայանը, իսկ լավագույն կին մարզիկն Ալեքսանդրա Գրիգորյանն է։

Մյուս անվանակարգերում հաղթողներն են՝ 

Հաշմանդամություն ունեցող լավագույն մարզիկ՝ Գրետա Վարդանյան

Լավագույն թիմ՝ շախմատի հավաքական

Լավագույն երիտասարդ մարզիկ՝ Էմմա Պողոսյան

Վերադարձ մեծ սպորտ՝ Հռիփսիմե Խուրշուդյան

Հայաստանի Հանրապետությունը լավագույնս հանրահռչակած մարզիկ՝ Հենրիխ Մխիթարյան

Լավագույն մարզիչ՝ Հակոբ Սերոբյան

Առցանց քվեարկությամբ անցկացվող «Հանդիսատեսի համակրանք» անվանակարգի հաղթողը կհայտարարվի 17:00-ից հետո։ 

Բոլոր հաղթողները, բացի «Հանդիսատեսի համակրանքից», կստանան 5-ական միլիոն դրամ պարգեւ։