Գրետա Վարդանյանը նվաճել է Պարալիմպիկ խաղերի ուղեգիր

Գրետա Վարդանյանը Թբիլիսիում նվաճել է 2024 թվականի Փարիզի Պարալիմպիկ խաղերի ուղեգիր:

Նա Պարա ծանրամարտի Աշխարհի գավաթի վարկանշային խաղարկությունում բրոնզե մեդալակիր է դարձել: Մինչեւ 61 կգ քաշային կարգում հանդես եկող մարզուհին բարձրացրել է 97, 100կգ եւ 103 կգ-ոց ծանրաձողերը։

Այդ արդյունքը բավական է եղել, որ Վարդանյանն ապահովի մասնակցությունը խաղերում: Հայաստանի հավաքականի կազմում ավելի վաղ ուղեգիր էր նվաճել նաեւ Սարգիս Ստեփանյանը:

Պարալիմպիկ խաղերը կայանալու են օգոստոսի 28-ից սեպտեմբերի 8-ը: