Կառլոս Ալկարասը կարիերայում առաջին անգամ դարձել է Ռոլան Գարոսի հաղթող: Իսպանացին եզրափակչում հանդիպել է Գերմանիան ներկայացնող Ալեքսանդր Զվերեւին ու առավելության հասել 6:3, 2:6, 5:7, 6:1, 6:2 հաշվով:
Հաղթանակից հետո նա շնորհավորել է Զվերեւին մրցաշրջանի հաջող մեկնարկի ու ընթացքի առիթով, իսկ իր թիմին շնորհակալություն հայտնել կատարած աշխատանքում հոգի դնելու համար.
«Թիմ եմ ասում, բայց իրականում այն ընտանիք է: Սա հիանալի ճանապարհորդություն էր հենց առաջին հանդիպումից սկսած: Այս մրցաշարի հաղթող դառնալ մանկուց եմ երազել: 5-6 տարեկանից հետեւել եմ Ռոլան Գարոսին ու վերջապես երազանքս իրականություն դարձրի»:
21-ամյա Ալկարասը մինչ այդ դարձել էր Մեծ Սաղավարտի կրկնակի հաղթող՝ նա լավագույնն էր եղել 2022-ի ԱՄՆ-ի բաց առաջնությունում եւ 2023-ին՝ Ուիմբլդոնում:
21 տարի առաջ Փարիզում հաղթող էր դարձել նաեւ Ալկարասի մարզիչ, նախկին առաջին ռակետ Խուան-Կառլոս Ֆերերոն:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: