Հունաստանում մեկնարկել է Օլիմպիական կրակի փոխանցումավազքը

Օլիմպիայում քիչ առաջ ավարտվել է Փարիզի Օլիմպիական խաղերի կրակի վառման հանդիսավոր արարողությանը:

Առաջին ջահակիրն է դարձել ակադեմիական թիավարության Օլիմպիական չեմպիոն Ստեֆանոս Դուսկոսը: Հենց նա է ազդարարել Հունաստանում 11-օրյա փոխանցումավազքի սկիզբը:

Նախ մարզիկը հարգանքի տուրք է մատուցել ժամանակակից խաղերի հիմնադիր Պիեր դե Կուբերտենին, որի արձանը տեղադրված է հին ստադիոնի մոտակայքում:

Հունաստանում 600 ջահակիրների մասնակցությամբ կրակն անցնելու է 5202 կմ, ապրիլի 26-ին վերադառնալու է Աթենք, որտեղ էլ 1896թ. առաջին խաղերը հյուրընկալած «Պանատինաիկոս» ստադիոնում փոխանցվելու է 2024 թվականի ՕԽ-ի կազմակերպիչներին:

Կրակը գիշերը մնալու է Աթենքում Ֆրանսիայի դեսպանատանը, ապա հաջորդ օրը 120-ամյա «Բելեմ» նավակով ուղեւորվելու է Ֆրանսիա՝ մայիսի 8-ին ժամանելով Մարսել: Այնտեղ կրակը 150 հազ. մարդիկ կդիմավորեն, ապա փոխանցումավազքը Ֆրանսիայում 68 օր կտեւի: Խաղերի մեկնարկը կազդարարվի հուլիսի 26-ին Փարիզում: