Արթուր Դավթյանն Աշխարհի Գավաթի եզրափակչում է

Հայաստանը մարմնամարզության վարկանշային Աշխարհի Գավաթի եզրափակչում արդեն 3 մասնակից ունի։

Երեկ Կահիերում հենացատկի որակավորման փուլում հիանալի է հանդես եկել Արթուր Դավթյանը։ Նա վաստակել է է 15.000 միավոր ու եզրափակիչ անցել առաջին հորիզոնականով։

Ավելի վաղ էլ 1-2-րդ տեղերով օղակների վարժությունում եզրափակիչ էին անցել Արթուր Ավետիսյանն ու Վահագն Դավթյանը։ Եզրափակիչները կայանալու են փետրվարի 17-18-ին:

Կահիրեից բացի, վարկանշային են լինելու նաեւ Կոտբուսի, Բաքվի եւ Դոհայի մրցաշարերը։ Յուրաքանչյուր մրցաշարում ոսկե մեդալակիր դարձած մարզիկը կստանա 30, արծաթը՝ 25, բրոնզը՝ 20, 4-րդ տեղը՝ 18 միավոր։