Հայաստանի բասկետբոլի հավաքականի մարզչական շտաբում նոր համալրում կա

Հայաստանի բասկետբոլի հավաքականի գլխավոր մարզիչ Ռեքս Կալամյանը նոր օգնական ունի։

Ինչպես հայտնում են ֆեդերացիայից, նրա մարզչական շտաբը համալրել է ամերիկացի մասնագետ Ալեքս Զամպիերը։

35-ամյա մասնագետը 2021/2022 մրցաշրջանում ընդգրկված է եղել «Դետրոյթ Փիստոնս» -ի մարզչական շտաբում։ Այժմ նա բելգիական «Լիեժ Բասկետ»-ի գլխավոր մարզիչն է։

Աշխարհի 2027 թվականի առաջնության նախընտրական առաջին փուլի շրջանակում Հայաստանի ընտրանին փետրվարի 22-ին կանցկացնի առաջին հանդիպումը՝ մրցելով Ավստրիայի հավաքականի հետ։ Փետրվարի 25-ին Կարեն Դեմիրճյանի անվան մարզահամերգային հանալիրում հայ բասկետբոլիստները հյուրընկալելու են Ալբանիային: