Հայաստանի ձյուդոյի հավաքականը վերադարձել է Ղազախստանում անցկացրած 14-օրյա համատեղ մարզումներից:
Թիմի մարզիկների մեծ մասը փորձի պակաս ունի, ու հավաքի ընթացքում այնպես են արել, որ ձյուդոյիստները հնարավորինս շատ գոտեմարտեր անցկացնեն: Ընտրանու գլխավոր մարզիչ Հովհաննես Դավթյանը ՀԱՕԿ-ին հայտնել է, որ հավաքը ծառայել է նպատակին ու մեծ օգուտ տվել:
Մարտի 13-ից թիմը մարզումները շարունակելու է Ծաղկաձորում, որտեղ շեշտը կդրվի ֆիզիկական պատրաստվածության վրա: Ապա հավաքականը կմասնակցի վարկանշային մրցումների Եկատերինբուրգում, Թբիլիսիում ու Անթալիայում: Այդ ընթացքում համատեղ մարզումներ կլինեն Վրաստանի ու Ռուսաստանի թիմերի հետ:
Վարկանշային է լինելու նաեւ մայիսի 1-3-ը Պրահայում կայանալիք Եվրոպայի առաջնությունը:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: