Սթիվեն Ջերարդը «Լիվերպուլի» ամենասիրելի ու լեգենդար ֆուտբոլիստներից է ու բազում հաղթանակներ է գրանցել թիմի հետ:
Mediamax Sport-ի «Մեկ կադրում» շարքում այսօր կանդրադառնանք դրանցից երկուսին, որոնք «Լիվերպուլը» տոնել է «Օլդ Թրաֆորդում», իսկ Ջերարդն աչքի է ընկել գոլը յուրահատուկ նշելով:
2009 թվական, «Մանչեսթեր Յունայթեդ»-«Լիվերպուլ»՝ 1:4
Լուսանկարը` Getty Images
Այս հանդիպման ժամանակ Ջերարդը գոլ խփելուց հետո այնքան է ուրախացել, որ վազելով մոտեցել է հանդիպումը նկարահանող տեսախցիկներից մեկին ու համբուրել էկրանը:
Ռոնալդուի գոլը միակն է եղել այդ խաղում տանտերերի համար, սակայն հետո կարմիրներն իսկական գոլային հրավառություն են կազմակերպել՝ Ֆերնանդո Տորես, Սթիվեն Ջերարդ, Ֆաբիո Աուրելիո եւ Անդրեա Դոսսենա: Ահա այս ֆուտբոլիստների շնորհիվ «Լիվերպուլը» փայլուն հաղթանակ է տարել:
2014 թվական, «Մանչեսթեր Յունայթեդ»-«Լիվերպուլ»՝ 0:3
Լուսանկարը` Getty Images
Համույրը տեսախցիկի հետ «Լիվերպուլի» ավագը կրկնել է հինգ տարի անց: Նշանակված 11-մետրանոցներից Ջերարդը դարձել է դուբլի հեղինակ, իսկ մեկ գոլ էլ իր հաշվին գրանցել է Լուիս Սուարեսը:
«Չեմ կարող բացատրել, թե ինչպես եմ երկու անգամն էլ այդպես վարվել: Դա պարզապես պահի ազդեցության տակ էր, ես վազեցի դեպի տեսախցիկն ու համբուրեցի այն: Այս թիմերի դիմակայությունը միշտ դիտարժան է ստացվում, այն աշխարհում ամենակարեւորներից է, անհնար է նկարագրել էմոցիաները, երբ դուրս ես գալիս խաղադաշտ: Ու հաղթել ՄՅՈւ-ին, այն էլ այսպիսի հաշիվներով, անհավանական էր: Ամեն ինչ ֆանտաստիկ էր ու իմ արտահայտած էմոցիաներն էլ՝ բնական»,-տարիներ անց խոստովանել է Ջերարդը:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: