Իսպանացի ռեժիսոր Ալեքս դե լա Իգլեսիան փաստագրական ֆիլմ է նկարահանում Լիոնել Մեսսիի մասին:
Այս ֆիլմի սցենարը գրել է արգենտինական ֆուտբոլի լեգենդներից մեկը՝ Խորխե Վալդանոն, որը տարիներ շարունակ եղել է Մադրիդի «Ռեալի» գործադիր տնօրենը:
Ֆիլմի հեղինակները փորձելու են պարզել Մեսսի ֆենոմենի գաղտնիքը, բացահայտել, թե ինչու է նա 4 տարի շարունակ տիրացել Ոսկե Գնդակ պարգեւին:
Նկարահանումներն ընթանում են Բուենոս- Այրեսում եւ Ռոսարիոյում, որտեղ ծնվել է Մեսսին:
Ֆիլմը էկրաններին կհայտնվի Բրազիլիայում կայանալիք աշխարհի առաջնությունից առաջ:
