Հայաստանի ֆուտբոլի ֆեդերացիան ամփոփել է «Ֆուտզալի տարվա լավագույն մարզիչ» մրցանակի քվեարկության արդյունքները։
Հայաստանի ազգային հավաքականի գլխավոր մարզիչ Ռուբեն Նազարեթյանը լավագույնն է ճանաչվել 15 ձայնով։ Նրա գլխավորությամբ այս տարի Հայաստանի ընտրանին պատմության մեջ առաջին անգամ նվաճել է Եվրոպայի առաջնության խմբային փուլի ուղեգիր։
«Տարվա լավագույն ֆուտզալիստ» մրցանակին էլ արժանացել է հավաքականի ավագ, ռուսական «Նորիլսկի Նիկել»-ի խաղացող Վլադիմիր Սանոսյանը։
Նա Եվրոպայի առաջնության որակավորման փուլում մասնակցել է 4 հանդիպման, դարձել 2 գոլի ու 1 արդյունավետ փոխանցման հեղինակ։
