Պերկովիչ․ Գիտենք, որ «Լեգիա»-ն հաղթելը պատմություն կկերտի հայկական ֆուտբոլի համար

Այսօր 21։45-ին Կոնֆերենցիաների լիգայում «Նոա»-ն ընդունելու է Վարշավայի «Լեգիա»-ին։

Դիմակայությունից առաջ հայկական ակումբի գլխավոր մարզիչ Սանդրո Պերկովիչն ասել է, որ իրենց մոտ լարվածություն չկա, քանի որ հունիսից այդ ճնշման տակ են ու կարողանում են հաղթահարել։

«Գիտենք, որ այս հանդիպումը հայկական ֆուտբոլի համար շատ կարեւոր է, բայց մենք կենտրոնացած ենք խաղի վրա։ Չորս տուրից հետո մենք ունենք 5 միավոր, որին արժանի ենք։ Եւս երեք միավորը պատմություն կկերտի ինչպես հայկական ֆուտբոլի, այնպես էլ մեր ակումբի համար»,-ասել է Պերկովիչը։

Նա ընդգծել է, որ «Լեգիա»-ն մեծ ակումբ է, ունի լավ թիմ, բարձրակարգ ֆուտբոլիստներ, սակայն վերջին շրջանում լավ արդյունքների չի հասնում։

Կոնֆերենցիաների լիգայում «Նոա»-ն 5 միավորով ընթանում է 23-րդ տեղում ու մոտ է խմբային փուլի հաղթահարմանը, իսկ «Լեագիա»-ն 3 միավորով 28-րդն է։