ՖԻՖԱ-ն հավաքականների համար կմիավորի սեպտեմբերի եւ հոկտեմբերի դադարները

ՖԻՖԱ-ն փոփոխություններ է կատարել ազգային հավաքականների ելույթների ժամանակացույցում:

Կառույցը որոշել է միավորել սեպտեմբերին եւ հոկտեմբերին ազգային հավաքականների հանդիպումներով պայմանավորված դադարները: Որոշումն ուժի մեջ է մտնելու 2026 թվականի աշնանից: 

Այսուհետ միջազգային աշնանային դադարը տեղի է ունենալու սեպտեմբերի 21-ից մինչեւ հոկտեմբերի 6-ը: 

Այդ ընթացքում ազգային հավաքականները կարող են 4 խաղ անցկացնել, բայց դրա հետ մեկտեղ ՖԻՖԱ-ն ակնկալում է, ֆուտբոլիստներն ավելի քիչ վնասվածքներ կստանան: Բացի այդ, նրանք ավելի քիչ հաճախականությամբ կմեկնեն իրենց հավաքականների ճամբարներ: