Արթուր Սերոբյանի գոլն օգնել է «Շերիֆ»-ին անցնել ԵԼ-ի հաջորդ փուլ

Հայաստանի ազգային հավաքականի կիսապաշտպան Արթուր Սերոբյանը Եվրոպայի Լիգայում գոլի հեղինակ է դարձել:

Նա «Պրիշտինա»-ի դեմ խաղում «Շերիֆ»-ի միակ գոլն է խփել, սակայն նրա թիմը զիջել է 1:2 հաշվով։ Երկու հանդիպումների արդյունքում (5:2) «Շերիֆ»-ը կշարունակի պայքարը մրցաշարում: 

«Շերիֆ»-ի հաջորդ հանդիպումը ԵԼ-ի որակավորման 2-րդ փուլում հուլիսի 24-ին կլինի «Ուտրեխտ»-ի դեմ:

Նույն փուլում է նաեւ Վահան Բիչախչյանի «Լեգիա»-ն, որը նորից նվազագույն հաշվով ուժեղ է եղել «Ակտոբե»-ից: Առաջին խաղում մրցակցի դարպասը գրավել էր հենց հայ կիսապաշտպանը: Մեկ շաբաթ անց «Լեգիա»-ն մրցելու է «Բանիկ»-ի հետ: