Սպերցյանը ֆուտբոլը շատ է կարոտել ու «Ֆակել»-ին տուգանայինից գեղեցիկ գոլ խփել

Ռուսաստանի առաջնության 22-րդ տուրում «Կրասնոդար»-ը 5:0 հաշվով առավելության է հասել «Ֆակել»-ի նկատմամբ:

Թիմի կազմում գոլի ու գոլային փոխանցման հեղինակ է դարձել վնասվածքից ապաքինված Էդուարդ Սպերցյանը: Նա աչքի է ընկել տուգանային հարվածից կատարած գեղեցիկ հարվածով: 

Հաղթանակից հետո Սպերցյանը նշել է, որ առաջին խաղակեսը բավական բարդ է ստացվել:

«Ֆուտբոլը շատ էի կարոտել: Թիմի հետ 3 օր աշխատել եմ ու շանս ստացել դուրս գալ խաղադաշտ: Նորից ստացվեց շատ կարեւոր գոլ խփել, որը երկրորդն էր ու մեզ մի քիչ հանգստացրեց: Պետք է շարունակենք հանգիստ ու համեստ աշխատել, հավատալ մեր ուժերին եւ հաղթել»,- matchtv.ru-ին ասել է ֆուտբոլիստը: