ՖԻԴԵ-ի աղյուսակում հայերից ամենաբարձր տեղերում Էլինա Դանիելյանն ու Շանթ Սարգսյանն են

ՖԻԴԵ-ն հրապարակել է ապրիլ ամսվա թարմացված վարկանշային աղյուսակները։

Տղամարդկանց ցուցակում Հայաստանը լավագույն 100-յակում 4-ի ներկայացուցիչ ունի: Ամենաբարձր՝ 57-րդ տեղը 2666 միավորով զբաղեցնում է Շանթ Սարգսյանը: Գաբրիել Սարգսյանն ընթանում է 87-րդ (2641) հորիզոնականում, Հրանտ Մելքումյանը (2636)՝ 96-րդ, իսկ Հայկ Մարտիրոսյանը (2635)՝ 99-րդ:

Կանանց աղյուսակում 2 հայ շախմատիստ կա՝ Էլինա Դանիելյանը 2399 միավորով 47-րդն է, իսկ Լիլիթ Մկրտչյանը (2388)՝ 55-րդը:

Առաջատարները շարունակում են մնալ Մագնուս Կառլսենն (2837) ու Հոու Յիֆանը (2633):