Ազգերի լիգայի անցումային խաղերից առաջինում Հայաստանի ազգային հավաքականը սեփական հարկի տակ 3 անպատասխան գնդակ էր ընդունել Վրաստանից։
Վաղը Ջոն վան'տ Սխիպի սաները Թբիլիսիում ժամը 18։00-ից անցկացնելու են պատասխան հանդիպումը։
Այսօր վան'տ Սխիպն ասել է, որ պետք է գտնեն թիմային բալանսը եւ լավ մոտենան վաղվա խաղին։
«Ոչ միայն դարպասապահի, այլ նաեւ մյուս դիրքերում մենք անընդհատ պետք է փնտրենք նոր անուններ, իսկ եղածների համար ապահովենք զարգացում։ Հունիսին են լինելու մեր հաջորդ հանդիպումները, այն ժամանակ ավելի շատ խաղացողների կդիտարկենք։ Հասկանում ենք, որ մարդիկ արագ արդյունք են ցանկանում, բայց ժամանակ է հարկավոր։ Այս թիմը եւս, իսկապես, աճելու համար ժամանակի կարիք ունի»,-ասել է վան'տ Սխիպը։
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: